Ætli ríkisstjórnin verði svona?

Jæja, maður verður nú að giska á hverjir verða ráðherrar og hverjir ekki. Hérna kemur mín ágiskun....

Ég held að ráðuneytin muni verða óbreytt núna fyrstu tvö árin en eftir það verði ráðuneytum fækkað. Ef ég fengi enhverju ráðið myndi ég breyta ráðuneytunum þannig að:

Iðnaðar- og viðskiptaráðuneyti yrði skipt upp. Iðnaðarráðuneytis hlutinn yrði sameinaður með sjávarútvegsráðuneytinu og landbúnaðarráðuneytinu í eitt Atvinnumálaráðuneyti.

Viðskiptaráðuneytið fer síðan saman með dóms- og kirkjumálaráðuneytinu (og hugsanlega samgöngu líka) og úr því yrði eitt Innanríkisráðuneyti.

Ríkisstjórnin fyrstu tvö árin verður síðan á þessa leið ef ég reynist sannspár...

 

Forsætisráðherra: Geir H. Haarde

Utanríkisráðherra: Ingibjörg Sólrún Gísladóttir

Sjávarútvegsráðherra: Einar K. Guðfinnsson

Iðnaðar- og viðskiptaráðherra: Össur Skarphéðinsson

Menntamálaráðherra: Ágúst Ólafur Ágústsson

Heilbrigðis- og tryggingamálaráðherra: Guðlaugur Þór Þórðarson

Félagsmálaráðherra: Katrín Júlíusdóttir

Landbúnaðarráðherra: Björn Bjarnason

Fjármálaráðherra: Árni M. Matthiesen

Dóms- og kirkjumálaráðherra: Þorgerður Katrín Gunnarsdóttir

Umhverfisráðherra: Jóhanna Sigurðardóttir

Samgönguráðherra: Kristján L. Möller

 

Þess má geta að Katrín Júlíusdóttir er á listanum hjá mér vegna þess að Samfylking er búin að gefa það út að jafn margir kven- og karlráðherrar verði í ríkisstjórn. Ef svo væri ekki teldi ég líklegast að Björgvin G. Sigurðsson kæmi í staðinn (hugsanlega yrði þá ráðherraskipan eitthvað breytt). Sturla verður síðan forseti alþingis.

Svo er bara að bíða og sjá

Formenn ræða við þingmenn Sjálfstæðisflokks og Samfylkingar

Athugasemdir

[Grímur Kjartansson, 22.5.2007 kl. 13:05]

Vona að Geir og ISG geri betur

Kynjamismunun og veiting ráðherraembætta út á forna frægð er ekki gott veganesti betra væri að horfa til þess hvað fólkið kaus þ.e.a.s. atkvæðamagn bak við hvern þingmann.

[Andri Heiðar Kristinsson, 22.5.2007 kl. 13:54]

Get ekki verið meira sammála þér!