Vandræðalegt fyrir Ingibjörgu...

Það verður að viðurkennast að þessi tilkynning frá HR hlýtur að teljast frekar vandræðaleg fyrir Ingibjörgu Sólrúnu. Það er að að mínu mati algjört prinsip-mál að fyrirtæki, stofnun eða félag svo og þeir einstaklingar sem eru í forsvari eiga ekki að beita sér í pólitískum tilgangi. Þeir hafa að sjálfsögðu rétt á að styðja sinn málstað sem einstaklingar, en eiga alls ekki að nota starfstitil sinn til slíks brúks. Svafa Grönfeldt talaði um mikilvægi þess að votta jöfn laun í HR, sem mér finnst frábært hjá skólanum. Ingibjörg Sólrún snýr síðan út úr því og segir að Svafa sé sammála stefnu Samfylkingarinnar í þessum málaflokki. Vafasamur málflutningur í meira lagi, sér í lagi vegna þess að þarna er Ingibjörg að koma Svöfu í erfiða stöðu gegn hennar vilja.

Síðan gæti ég reyndar líka skrifað hér langan pistil (....en ætla að stilla því í hóf) um flokkssystur Ingibjargar, Dagnýju Ósk Aradóttur Röskvuliða og núverandi formann Stúdentaráðs. Hún flutti ræðu á landsþingi Samfylkingarinnar um daginn þar sem hún vonaðist eftir því að Samfylkingin kæmist til valda í vor - titlaði sig þar sem formann Stúdentaráðs og talaði fyrir hönd stúdenta. Það er alveg ljóst að hún talaði ekki í mínu umboði, né meirihluta stúdenta sem ekki kjósa Samfylkinguna skv. könnunum. Talsmaður stúdenta á að gæta hlutleysis á stjórnmálasviðinu á meðan hann berst fyrir hagsmunum stúdenta.

Yfirlýsing frá Háskólanum í Reykjavík

Athugasemdir

[Nikulás Helguson (IP-tala skráð) 23.4.2007 kl. 00:39]

Var ekki verið að tala um launaleynd? Jafnlaunavottun hefur ekkert með það að gera. Jafnlaunavottun gengur út á það að votta, að allir deildarstjórar hafi sömu laun og allir deildarsérfræðingar hafi sömu laun. En í slíkri vottun kemur ekki fram að 8 af 10 deildarstjórum eru karlar en 9 af hverjum deildarsérfræðingum eru konur. Þetta kæmi fram, ef afnám launaleyndar nær fram að ganga. Þetta dæmi mitt er skýringardæmi og hefur ekkert með HR að gera. Nikulas