Hákarlaferð til Þýskalands

Þeir sem mig þekkja vita að ég er fíkill í ferðalög, góðan mat, vín og góðan félagsskap. Þetta verður allt sameinað í góðri helgarferð til Þýskalands í lok júní. Ég, Magnús Már Einarsson, Kenneth Breiðfjörð og Sverrir Bollason hittumst í hádeginu á miðvikudag og skipulögðum hákarlaferðina svokölluðu, sem vonandi verður að árlegum viðburði. Við höfum allir starfað mikið saman í ýmsum félagsmálum innan verkfræðinnar og köllum okkur Hákarlana ....neinei, ekkert egó :D

Ég bara verð að deila með ykkur ferðaplaninu:

Fimmtudaginn 21. júní: Flogið til Munchen í Þýskalandi og gist þar fyrstu nóttina.

Föstudaginn 22. júní: Fyrri partinn ætlum við að njóta lífsins í Munchen, reyna að gerast menningarlegir og ef við gefumst upp á því verða bjórgarðarnir skoðaðir. Við erum búnir að leigja okkur Mercedes Bens bíl (Maggi beitti neitunarvaldi á aðrar bíla) og seinnipartinn á föstudeginum ætlum við að keyra um 100 km suður frá Munchen og gista á einhverju sveita-casino-i sem ég man ekki hvað heitir. Best að halda fast í Visa kortið...

Laugardagurinn 23. júní: Á laugardeginum er planið að keyra eitthvað um suður Þýskaland og er óráðið hvað við gerum um daginn. Um kvöldið munum við enda á Residenz Heinz Winkler og eigum pantað borð þar á þriggja stjörn Michelin veitingastað. Michelin stjörnugjöfin fyrir veitingastaði er sú virtasta í heiminum og þurfa veitingastaðir að vera með mjög háan standard, bara til að fá eina stjörnu (mest hægt að fá þrjár). Sem dæmi má geta þess að enginn veitingastaður á Íslandi fær svo mikið sem eina stjörnu. Þetta verður án efa mikil gourmet-upplifun. Hef borðað á þónokkrum Michelin stöðum en aldrei á þriggja stjörnu, svo þetta verður tær snilld :)

Á sunnudaginn munum við síðan keyra aftur til Munchen og fljúga heim á klakann.

Kominn með vatn í munninn....

 

Athugasemdir

[Garðar (IP-tala skráð) 18.5.2007 kl. 14:03]

Gaman að sjá að þú getur ennþá skrifað um eitthvað sem tengist hvorki sjálfstæðisflokknum né Ingibjörgu Sólrúnu Andri minn. Maður getur þó ekki farið fram á að þú skrifir heilan póst án þess að minnast á áfengi - enda er það algjör óþarfi...

 Hlökkum til að fá þig í næstu viku, hvernig líst þér á Red Sox leik?

[Andri Heiðar Kristinsson, 20.5.2007 kl. 14:06]

Hehe, já það þýðir víst lítið að beita sér í kosningalegu áróðursskyni lengur :)

Hlakka sömuleiðis til að kíkja í heimsókn. Líst ljómandi vel á Red Sox leik!