Til hamingju Ragnar og Mbl.is !

Glæsilegur árangur hjá Ragnari, til hamingju með þetta!

Á síðustu 15 árum hefur verið gríðarlegur uppgangur í skylmingaíþróttinni á íslandi og er það að mestu leiti að þakka búlgarska skylmingameistaranum Nikolay Mateev sem kom hingað til landsins fyrir um 15 árum. Þrátt fyrir að íslendingar hafi áður unnið til verðlauna á sambærilegum mótum, náð góðum árangri á heimsmeistaramótum, unnið tugi norðurlandameistaratitla og nokkrir íslendingar náð inn á topp 100 stigalistann í heiminum hefur lítið sem ekkert verið fjallað um þennan glæsilega árangur í fjölmiðlum. Það er því mjög gaman að sjá frétt sem þessa á forsíðu mbl.is - vona að ég sjái meira af því að slíkum fréttum verði gerð mannsæmandi skil í fjölmiðlum, því það eru ekki mjög margar íþróttagreinar sem við Íslendingar erum jafn góðir í á alþjóðlegan mælikvarða.

 

Ragnar Ingi vann heimsbikarmót í Finnlandi

Athugasemdir

[Einar Örn (IP-tala skráð) 6.6.2007 kl. 02:04]

Ég tek undir það að lítið fer fyrir fréttum af íslensku skylmingafólki - ég hafði til dæmis ekki hugmynd um að það hefði náð jafn góðum árangri og þú segir.

Hins vegar - ef ég má vera svolítið neikvæður - hefur mér fundist erfitt að sjá hvað er að gerast þegar ég horfi á skylmingar. Þetta gerist allt tiltölulega hratt og erfitt fyrir óþjálfað augað að átta sig almennilega á því sem er í gangi.. Eða kannski er það bara ég sem næ þessu ekki. Eins og með flest sport er þetta samt örugglega mjög skemmtilegt um leið og maður kemst aðeins inn í þetta.. 

[Andri Heiðar Kristinsson, 6.6.2007 kl. 14:38]

Já, er fullkomlega sammála þér að það er erfitt að fylgjast með því nákvæmlega hvað á sér stað ef skylminga-augun eru ekki mjög vel þjálfuð, enda er hraðinn og snerpan gríðarleg.

Þarna ættu einmitt íslenskir fjölmiðlamenn að læra af starfsbræðrum sínum víðsvegar um heiminn, sem sýna skylmingarnar bæði í fullum hraða en þess á milli nánast hvert einasta stig einnig í slow-motion. Þannig er mjög gaman fyrir "leikmeinn"  að horfa á skylmingar.

Og við erum ekki bara að tala um einhverjar high-tech fjölmiðlaþjóðir. Fór fyrir nokkrum árum á heimsmeistaramótið í skylmingum sem var haldið á Kúbu. Kúbverska ríkissjónvarpasstöðin sýndi beint úrslit í öllum keppnum og það var fyrsta flokks sjónvarpsefni, enda beittu þeir slow-motion mjög stíft.